Documentos Secretaría Confederal de Formación Sindical e Migración- A nosa nación non gañou peso económico dentro do Estado español nas últimas décadas, tal como reflicten os últimos datos, malia que partíamos dunha situación moi precaria e contamos con importantes recursos en materia primas e enerxía. En 1996 o PIB por habitante de Galiza a respecto da UE era do 63,84%, moi por detrás de Madrid (97,76), Baleares (113,28), Catalunya (93,99) ou o País Vasco (86,19%). Agora ben, se comparamos a renda per cápita de Galiza con outras “rexións” e nacionalidades europeas, as diferenzas son aínda máis grandes. Vexamos:
No cadro anterior os datos comparan a capacidade de merca en cada un dos países. O cadro amosa como Galiza practicamente no evolucionou nos 14 anos que van dende uns datos a outros. Temos unha renda per cápita máis baixa que a media do EE, e moi por detrás das autonomías e nacionalidades máis avanzadas, así como un reparto máis desigual dos ingresos, o que da lugar a que máis do 50% das familias digan que teñen dificuldades para chegaren a final de mes e unha cifra semellante e outras tantas familias uns ingresos inferiores (en 1999) ás 55.000 pesetas por cada membro do fogar. Vexamos os seguintes cadros:
Tanto os datos referentes aos ingresos dos fogares como a enquisa sobre o grao de facilidade ou dificuldade coa que chega a fin de mes cada fogar da unha cifra de aproximadamente un 50% das familias con problemas económicos ou que vive moi axustadamente en Galiza. O seguinte cadro aproxima moito a situación económica das familias en Galiza, aínda que non deixa unha división subxectiva. Así temos que un 19,40% das familias teñen uns ingresos, por persoa, inferiores ás 35.000 pesetas/mes, aos que podemos considerar pobres; un 55% teñen uns ingresos mensuais de entre 35.000 e 75.000 pesetas, aos que podemos considerar clase media baixa. En total un 74,4%, que estaría formado por parados, asalariados, pensionistas e autonómos con baixos ingresos. Un 20,9% sería clase media e outro 4,6% clase alta.
Segundo un informe de Cáritas, hai 151.000 familias e 575.450 persoas en situación de pobreza; un 19,5% das familias e un 21,8% da poboación galega. O mesmo estudo considera que o 5,9% da poboación está en situación de pobreza extrema, un 5,6% pobreza grave, un 3,4% pobreza moderada e outro 3% en situación de precariedade. Sobre a orixe étnica das persoas en situación de pobreza extrema ou grave, un 94% son galegos ou persoas doutras nacionalidades e autonomías do EE, un 3,1% xitanos e outro 2,3% doutra orixe. Unha das causas principais da pobreza é o paro ou a precariedade laboral. A evolución das variábeis relacionadas co emprego nos últimos 15 anos foi a seguinte:
O cadro anterior reflicte, con toda crueza, como nunha xeira tan longa como son 14 anos Galiza perde folgos a respecto da economía do Estado español. Baixamos en porcentaxe, con respecto ao EE, en poboación, ocupados, asalariados, e mesmo a queda da poboación agraria é moito maior. As migracións teñen hoxe en día un efecto importante sobre o emprego en Galiza, non só pola entrada de milleiros de inmigrantes (moitos deles retornados galegos e a sua familia), senón polos milleiros de paisanos que marchan fóra, moitos man de obra barata para a construción e a hostalaría, pero outros moitos persoas con estudos, moi cualificadas. A alta taxa de emigrantes se cadra sexa o dato que mellor reflicte os problemas que se derivan da falta de pulo da economía galega (produto da marxinación secular e da dependencia), as altas taxas de paro e inestabilidade laboral.
Os datos anteriores merecen unha explicación.
Seguinte ... | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
  | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
ÚLTIMA REVISIÓN: 18/12/2001 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
