Actualidade Santiago, 10 de abril de 2008 3 de 4 delegados A CIG gaña as eleccións sindicais na construtora San José en Pontevedra   CIG-Comunicación- cig.prensa@galizacig.com O mércores 9 de abril tiveron lugar as eleccións sindicais no Colexio de Especialistas e non Cualificados da Construtora San José S.A. en Pontevedra, onde a CIG obtivo tres dos catro delegados en disputa. O cuarto delegado foi para UGT, sindicato convocante das eleccións. CCOO, que tamén concorría neste proceso electoral, non obtivo representación, ao acadar tan só 4 votos. Dun total de 55 votantes, 45 votaron pola CIG, 6 por UGT e 4 por CCOO. No Colexio de Técnicos e Administrativos, onde correspondía elixir 1 delegado, non houbo ningunha candidatura. Apoio ao traballo sindical da CIG Con este resultado, Xaquín Agulla, secretario comarcal da CIG Construción en Pontevedra, avalia que “os traballadores de San José veñen a referendar o traballo desenrolado pola CIG o ano pasado e que culminou nun positivo Convenio Colectivo no sector da Construción na provincia de Pontevedra, logo de dúas convocatorias de folga auspiciadas polo noso sindicato, e despois de moitos anos de meras revisións salariais de trámite e baixas asinadas por parte de UGT e CCOO nos mellores anos de bonanza económica”. Con este resultado a CIG Construción afiánzase como a primeira forza sindical no sector na comarca de Pontevedra.

Confederación Intersindical Galega www.galizacig.com ÚLTIMA REVISIÓN: 14/03/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta