Actualidade A Coruña, 19 de febreiro de 2008 Estas dúas centrais asinan un acordo que impide que os traballadores perciban as cantidades atrasadas de 2007 UGT e CCOO venden os operadores de guindastres autopropulsados   CIG-Comunicación- cig.prensa@galizacig.com   Ante a imposibilidade de seguir adiante coa convocatoria de folga, xa que esta sería ilegal pois o convenio xa está asinado, a CIG-Transporte retira o calendario de paros, que incluía xornadas de folga os días 25 de febreiro e 3,7,10 e 14 de marzo.   UGT e CCOO asinaron coa patronal o 18 de febreiro un acordo sobre o primeiro Convenio Galego de Guindastres Autopropulsados que resulta lesivo para os intereses dos traballadores do sector. As dúas centrais españolas avalaron coa súa rúbrica, entre outros aspectos negativos, que os operadores de grúas non perciban os atrasos correspondentes ao ano pasado, pois o convenio unicamente terá unha vixencia nos anos 2008 e 2009. A CIG-Transporte, ademais, repróchalles a UGT e CCOO que asinasen este acordo sen que antes o referendasen os traballadores en asemblea. Máis unha vez, as dúas centrais españolas evidencian o sindicalismo que practican, baseado nun modelo de cúpulas e vertical que desposúe os empregados da súa capacidade decisoria. UGT e CCOO limitáronse no acto de mediación do 18 de febreiro, celebrado na sede do Consello Galego de Relacións Laborais, a validar punto por punto a última proposta que presentaran os empresarios na mesa de negociación. Por tanto e ante a imposibilidade de seguir adiante coa convocatoria de folga, xa que esta sería ilegal pois o convenio xa está asinado, a CIG-Transporte retira o calendario de paros, que incluía xornadas de folga os días 25 de febreiro e 3,7,10 e 14 de marzo. A CIG-Transporte considera que este acordo non servirá en absoluto para frear a conflitividade social no sector.

Informacións relacionadas 13/02/2008 Os paros serán os días 18 e 25 de febreiro e 3, 7, 10 e 14 de marzo A CIG convoca unha folga no sector dos guindastres autopropulsados 17/10/2007 A central nacionalista estuda convocar unha folga se non se corrixen estas irregularidades A CIG denunciará na Inspección a falta de seguridade nas grúas autopropulsadas

Confederación Intersindical Galega www.galizacig.com ÚLTIMA REVISIÓN: 19/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta