Actualidade A Coruña, 13 de febreiro de 2008 Os paros serán os días 18 e 25 de febreiro e 3, 7, 10 e 14 de marzo A CIG convoca unha folga no sector dos guindastres autopropulsados   CIG-Comunicación- cig.prensa@galizacig.com   Os paros afectarán a cerca de 500 gruístas en toda Galiza e celebraranse os días 18 e 25 de febreiro e o 3, 7, 10 e 14 de marzo. (Foto: ©Fernando Pol).   A paralización durante meses da negociación do primeiro Convenio Galego de Guindastres Autopropulsados provocou que a CIG convocase varias xornadas de folga no sector. Os paros afectarán a cerca de 500 gruístas en toda Galiza e celebraranse os días 18 e 25 de febreiro e o 3, 7, 10 e 14 de marzo. Os guindastres autopropulsados son empregados na construción das principais infraestruturas do país como o porto exterior de A Coruña e nas obras dos diferentes trazados do AVE. Os operadores deste tipo de grúas tamén prestan servizo en empresas importantes como a Refinaría de Repsol, nas centrais térmicas de Meirama e As Pontes ou Alcoa. A patronal pretende conxelar os salarios durante os próximos catro anos e aboalos principalmente a través de suplementos, que non percibirían os traballadores nin nas pagas extraordinarias nin cando estean de vacacións. As dietas ofrecidas polos empresarios son escasas e ademais propoñen contratos multiobra para os operadores de grúas, aspecto rexeitado pola CIG. O sindicato nacionalista demanda que os traballadores perciban o 100% do salario en caso de incapacidade temporal, mentres que a patronal só ofrece o 75%. A CIG convocou estas xornadas de folga despois de ouvir o sentir maioritario favorábel dos traballadores nas diferentes asembleas que se celebraron en todo o país.

Informacións relacionadas 17/10/2007 A central nacionalista estuda convocar unha folga se non se corrixen estas irregularidades A CIG denunciará na Inspección a falta de seguridade nas grúas autopropulsadas

Confederación Intersindical Galega www.galizacig.com ÚLTIMA REVISIÓN: 13/02/2008 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta