|
Actualidade CIG-Comunicación-
Os traballadores e traballadoras de CESPA, empresa concesionaria do servizo de limpeza e mantemento dos parques e xardíns do Concello de Vigo, chegaron a un acordo este mércores 7 de novembro, así que non será necesario facer efectiva a convocatoria de folga indefinida que estaba fixada para o 12 de novembro. O primeiro punto do acordo asinado entre as partes presentes nesta xunta na Delegación de Traballo foi o de retirar as sancións que a empresa lle impuxera ao Comité de Folga, que en ningún caso nin prazo se farán efectivas. Outro dos acordos foi que o traballador despedido, acusado de “tirarlle unha botella” a un xerente durante a folga, terá unha sanción de dous meses pero que despois se poderá acoller a unha xubilación parcial, xa que pola súa avanzada idade é o que “este traballador prefería como solución”. Ademais acordáronse outras cuestións de tipo técnico como a celebración dunha xuntanza do Comité de Empresa e a propia empresa para valorar o que aconteceu nesta folga, que sempre que haxa un conflito colectivo se acudira á Asociación Galega de Arbitraxe e que se buscará a mediación en todo caso, así como se establecerá unha relación laboral específica para a “vixilancia do contrato social”, que ven a ser “marcar no papel o que xa ven determinado no Estatuto dos Traballadores sobre absentismo, baixas ou ausencias”.
Alfredo Filgueiras, presidente do Comité de Empresa, e da CIG, avaliou este acordo como “positivo, xa que conseguimos evitar as sancións, e buscóuselle unha saída ao compañeiro despedido”. |
|||||||||
Informacións relacionadas
|
|||||||||
|
|||||||||
|
ÚLTIMA REVISIÓN: 08/11/2007 |
|||||||||
|
