|
Actualidade
Santiago, 14 de marzo de 2007
O propio alcalde, Xosé Sánchez
Bugallo, intervén impedindo que se chegue a un acordo
CIG-Servizos denuncia o boicot do Concello de Santiago á folga de limpeza
| |
 |
 |
 |
 |
| CIG-Servizos realizou unhas fotos para demostrar
que efectivamente o persoal do Concello realizou os labores de limpeza das instalacións municipais vulnerando
así o dereito á folga. O propio conserxe axudou a tirar as bolsas de lixo acumulado. (Fotos: galizacig.com 27/02/2007). |
| |
CIG-Servizos vén de denunciar o decreto
emitido polo Concello de Santiago, polo que se obrigaba a persoal municipal a realizar os labores de limpeza que
correspondería desenvolver ao persoal en folga da concesionaria ISS Facility Services. Roberto Alonso, secretario
comarcal da Federación de Servizos da CIG, asegura que este decreto vulnera o dereito fundamental á
folga.
O Concello de Santiago, mediante decreto, ordeou
“encarga-la realización das seguintes horas extraordinarias por parte do persoal municipal que tamén
se relaciona, co obxecto de proceder á limpeza das dependencias municipais que se concretan, a partir da
data de notificación da presente resolución ás interesadas”.
O traballo que se encargou desenvolver ao persoal municipal foi o de limpeza das dependencias que teñen
a súa entrada pola Costa do Cristo, dúas tardes á semana, a limpeza das dependencias que teñen
a súa entrada pola rúa Raxoi (Persoal, Informática e Lingua Galega) unha mañá
á semana (martes) durante dúas horas e media; do Pavillón da rúa de Raxoi (Padrón
Municipal) outra mañá (xoves), durante hora e media; limpeza das dependencias que teñen a
súa entrada pola rúa Raxoi (Persoal, Informática e Lingua galega) unha mañá
á semana (xoves) durante dúas horas e media, e do pavillón de madeira da rúa de Raxoi
outra mañá (martes), durante hora e media; limpeza das dependencias da rúa Presidente Salvador
Allende, tres mañás á semana durate dúas horas cada unha; limpeza das dependencias
de Intervención e Tesourería, dúas mañás á semana durante dúas
horas cada unha e limpeza das dependencias de Servizos Sociais, dúas tardes á semana durante dúas
horas cada unha.
Roberto Alonso, secretario comarcal da Federación de Servizos da CIG de Compostela afirma que, vía
decreto, o Concello de Santiago non só boicoteou a folga de limpeza senón que mesmo vulnerou un dereito
fundamental que asiste a todas e todos os traballadores. Máis aínda, Alonso salienta que se obrigou
ás traballadoras do Concello a realizar horas extra para realizar estes traballos.
Dificultando o acordo
E se non fora dabondo o boicot do Concello á folga, posteriormente CIG-Servizos tivo constancia de que o
propio alcalde de Santiago, Xosé Sánchez Bugallo, impediu que se chegara a un acordo que poría
final ao conflito. De feito, tras dunha semana de negociacións coa empresa concesionaria do servizo de limpeza,
ISS Facility Services, e cando xa todo indicaba que a solución estaba en marcha, non se puido materializar
pola negativa a colaborar do Concello.
|
