Actualidade A Coruña, 17 de marzo de 2007 O BNG presenta varias preguntas no Congreso acerca da actuación policial do pasado 15 de marzo en A Coruña Aumenta a repulsa popular á carga contra traballadoras e traballadores de Atento   CIG-Comunicación- cig.prensa@galizacig.com   Como consecuencia da agresión policial, cinco persoas resultaron feridas e tiveron que ser atendidas nos servizos médicos e varias máis sufriron contusións ocasionadas polos porrazos dos uniformados. (Foto: ©Almara/El Correo Gallego). Desmesurada e desproporcionada carga policial contra as traballadoras e traballadores de Atento, o xoves 15 de marzo en A Coruña. Descarga o vídeo. (Formato do vídeo: Windows Media Video [wmv], duración: 5'', espazo en disco: 1.037.402 bytes [0,98 Mb]).   Diversas organizacións políticas do país condenaron a carga dos antidisturbios contra os empregados/as de Atento durante a concentración do 15 de marzo en A Coruña en solidariedade cos 179 compañeiros e compañeiras despedidas. Como consecuencia da agresión policial, cinco persoas resultaron feridas e tiveron que ser atendidas nos servizos médicos e varias máis sufriron contusións ocasionadas polos porrazos dos uniformados. O deputado do BNG no Congreso Francisco Rodríguez presentou varias preguntas dirixidas ao Goberno español en relación con esta actuación policial. Francisco Rodríguez preguntou ao Goberno de Zapatero “se ten coñecemento da desmesurada carga policial que efectuaron os antidisturbios contra os traballadores/as de Atento”, se vai abrir unha investigación por estes feitos ou se vai pedir responsabilidades ao respecto. O deputado nacionalista lembra ao Executivo español nas súas interpelacións que “non é a primeira vez que axentes da policía en A Coruña se extralimitan na súa actuación contra traballadores/as que exercen os seus lexítimos dereitos a manifestarse en protesta polas súas situacións laborais”. Por último, o BNG insta o Goberno español a que inspeccione e controle o procedemento de despedimento de 179 empregados/as de Atento en A Coruña. Denuncia perante a Inspección de Traballo O Comité de Empresa presentou unha denuncia perante a Inspección de Traballo polo procedemento de despedimentos efectuado por Atento. Sinala que a documentación aportada pola empresa é insuficiente e non resulta fiábel. Os representantes dos traballadores/as apuntan que Atento incorre nunha fraude porque non aplica, ademais, o despedimento colectivo. Alegan que o obxectivo desta filial de Telefónica é desviar as chamadas do servizo do 1004 a países de Latinoamérica e xustificar, deste xeito, o descenso do volume de traballo aducido pola empresa.

Informacións relacionadas 16/03/2007 Insta á Consellaría de Traballo a que constitúa unha mesa de negociación coa empresa e mais os sindicatos A CIG denuncia a carga contra os traballadores/as de Atento e esixe a dimisión da subdelegada do Goberno 15/03/2007 Empregados e empregadas aumentarán as medidas de presión Atento despide 179 traballadores/as en A Coruña 14/03/2007 Xa foron despedidos 18 traballadores na sede coruñesa desta filial de Telefónica Os empregados/as de Atento en A Coruña mobilízanse na defensa dos seus postos

Confederación Intersindical Galega www.galizacig.com ÚLTIMA REVISIÓN: 17/03/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta