Actualidade Vigo, 16 de febreiro de 2007 Despois de 19 días de folga Ruído e protesta das traballadoras da limpeza do Concello de Compostela fronte a ISS Facility en Vigo   CIG-Comunicación- cig.prensa@galizacig.com   En Compostela son 30 traballadoras subcontratadas no Concello, o 95% ao tempo parcial, sempre mulleres. O que se reclama en todo este proceso mobilizador é a equiparación salarial cos traballadores/as do Concello, baixo a máxima sindical de “igual traballo, igual salario”. (Fotos: ©galizacig.com 15/02/2007). ISS Facility Services, empresa multinacional Sueca-Danesa, ofrece servizos de limpeza ao Concello de Compostela e ten a súa única sede no país en Vigo polo que as traballadoras en folga acudiron até aquí para desenvolver unha nova medida máis de presión no conflito.   Máis de cincuenta persoas, a maioría desprazadas desde Compostela, achegáronse na rúa Couto Piñeiro de Vigo ás instalacións da empresa de limpeza do Concello de Compostela en folga, cargadas con numeroso material para facer ruído e chamar así a atención sobre este conflito que se achega xa ao día vinte. A concentración tivo lugar durante máis dunha hora, na que os petardos, os bombos e bidóns e paus das traballadoras en folga non deixaron de soar. Os berros “A solución, equiparación”, “Igual traballo, igual salario” ou “ISS, queremos solucións!” non pararon en todo este tempo, mentres as traballadoras repartían panfletos explicando a súa situación e os motivos desta mobilización. Esta empresa, ISS Facility Services, chamou á Policía, que identificou a tres persoas da CIG presentes nesta concentración. ISS, empresa multinacional Sueca-Danesa, ofrece servizos de limpeza ao Concello de Compostela, ten a súa única sede no país neste emprazamento en Vigo polo que as traballadoras en folga acudiron até aquí para desenvolver unha nova medida máis de presión neste conflito. En Compostela son 30 traballadoras subcontratadas no Concello, o 95% ao tempo parcial, sempre mulleres. O que se reclama en todo este proceso mobilizador é a equiparación salarial cos traballadores/as do Concello, baixo a máxima sindical de “igual traballo, igual salario”, que cobren o mesmo e teñan os mesmos dereitos sociais que os traballadores/as do Concello. Xa van 19 días de folga, nos que a empresa se negou a negociar, alegando que ten que ser o Concello quen asuma esta equiparación, e ao mesmo tempo o Concello di que ten que ser un compromiso da empresa. O Concello negou este xoves a entrada das traballadoras no Pleno, e instalou un valado na entrada do mesmo para evitar a protesta das folguistas.

Informacións relacionadas 16/02/2007 O Movemento polos Dereitos Civís denuncia o impedimento de acceder ao Pleno Raxoi rodea o Concello cun valado para evitar que as traballadoras de limpeza en folga se acheguen ao edificio 15/02/2007 O xoves 15 diante da sede da empresa ISS Facility Services As traballadoras da limpeza en folga do Concello de Compostela concentraranse en Vigo 14/02/2007 Comezaron o pasado 29 de xaneiro unha folga de carácter indefinido Corte de tráfico en Compostela das traballadoras da limpeza do Concello en demanda de equiparación salarial

Confederación Intersindical Galega www.galizacig.com ÚLTIMA REVISIÓN: 16/02/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta