Actualidade Vigo, 15 de febreiro de 2007 O xoves 15 diante da sede da empresa ISS Facility Services As traballadoras da limpeza en folga do Concello de Compostela concentraranse en Vigo   CIG-Comunicación- cig.prensa@galizacig.com   Esta folga comezou o pasado 29 de xaneiro, tendo carácter indefinido, prevíndose unha longa duración en vista da actitude prepotente da empresa, que se nega a negociar coa representación sindical que hai na mesma. (Foto: Concentración perante a xuntanza de alcaldes da Mancomunidade de compostela o 30 de xaneiro. ©galizacig.com 30/01/2007). A maior parte destas traballadoras están contratadas a tempo parcial e en diferentes centros de traballo, non computándolles o tempo de desprazamento que utilizan en ir a cada un. (Foto: Concentración diante da Oficina de Recadación do Concello de Compostela o 29 de xaneiro. ©galizacig.com 29/01/2007).   A Federación de Servizos da Comarca de Compostela realizará un acto de protesta o día 15 de febreiro ás 16:30 horas diante das oficinas da empresa ISS Facility Services, sita na rúa Couto Piñeiro, 3, en Vigo. O motivo desta concentración é a folga levada a cabo polas traballadoras da subcontrata de limpeza do Concello de Compostela para conseguir melloras no seu convenio colectivo. Esta folga comezou o pasado 29 de xaneiro, tendo carácter indefinido, prevíndose unha longa duración en vista da actitude prepotente da empresa, que se nega a negociar coa representación sindical que hai na mesma. Sentouse por primeira vez aos 10 días do inicio da folga, e coa única finalidade de quedar ben diante do Concello, dando unha imaxe de diálogo, pero o único que buscaba e busca a empresa é continuar a manter os seus beneficios, sen atender ás necesidades destas traballadoras. A maior parte destas traballadoras están contratadas a tempo parcial e en diferentes centros de traballo, non computándolles o tempo de desprazamento que utilizan en ir a cada un, dándose a circunstancia de que hai traballadoras que perden máis tempo no desprazamento que o que realizan para traballar. Un exemplo máis da actitude prepotente de esta empresa foi o xesto de que nin sequera se quixo negociar co comité de folga para acordar os servizos mínimos, tendo que ser o Concello quen os decidise por decreto dunha forma claramente abusiva, e buscando boicotear desta maneira o dereito lexítimo que teñen estas traballadoras á folga. Este decreto está recorrido no xulgado do contecioso-administrativo en Compostela.

Informacións relacionadas 14/02/2007 Comezaron o pasado 29 de xaneiro unha folga de carácter indefinido Corte de tráfico en Compostela das traballadoras da limpeza do Concello en demanda de equiparación salarial

Confederación Intersindical Galega www.galizacig.com ÚLTIMA REVISIÓN: 15/02/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta