Actualidade Vigo, 12 de decembro de 2006 Pola readmisión de cinco traballadoras despedidas Convocada folga en Selmark toda a xornada do mércores 13 de decembro   CIG-Comunicación- cig.prensa@galizacig.com   A última concentración tivo lugar o venres 1 de decembro, na que as traballadoras de Selmark despedidas acudiron portando a roupa de lencería que elas mesmas elaboraban e acompañadas de compañeiras do sector do téxtil, que con cunchas e chifres, volveron denunciar a ilegalidade do seu despedimento e a situación de precariedade que as mulleres galegas viven no sector. (Fotos: ©galizacig.com 01/12/2006).   As cinco traballadoras despedidas de Selmark convocaron para este mércores unha xornada de folga durante todo o día, no que estarán concentradas diante das instalacións da empresa na Avenida do Freixo, en Sárdoma, e na que haberá tamén unha concentración de delegados e delegadas sindicais de apoio a estas traballadoras. Esta é a terceira xornada de folga que convocan estas traballadoras da CIG para denunciar o seu despedimento e mesmo a situación da empresa, que tenta realizar unha reconversión encuberta e no que estas traballadoras non son as primeiras despedidas. A última concentración tivo lugar o venres 1 de decembro, na que as traballadoras despedidas acudiron portando a roupa de lencería que elas mesmas elaboraban e acompañadas de compañeiras do sector do téxtil, que con cunchas e chifres, volveron denunciar a ilegalidade do seu despedimento e a situación de precariedade que as mulleres galegas viven no sector. Con gritos de “mulleres somos, mulleres seremos, pero na casa non nos quedaremos” e berros pola readmisión das traballadoras tivo lugar esta última concentración e xornada de folga, á que volven estar convocadas todas as traballadoras de Selmark este mércores.

Informacións relacionadas 29/11/2006 O venres 1 de decembro ás 12 horas nova concentración de apoio e xornada de folga Desaloxadas as cinco traballadoras despedidas que estaban pechadas en Selmark 16/11/2006 Convocada folga para os vindeiros 28 de novembro e 1 de decembro O grupo téxtil Selmark despide a cinco traballadoras

Confederación Intersindical Galega www.galizacig.com ÚLTIMA REVISIÓN: 12/12/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta