Actualidade Vigo, 16 de novembro de 2006 Convocada folga para os vindeiros 28 de novembro e 1 de decembro O grupo téxtil Selmark despide a cinco traballadoras   CIG-Comunicación- cig.prensa@galizacig.com   Nos últimos dous meses, xa son nove as traballadoras despedidas en Selmark, e a empresa continúa a aparecer na prensa con anuncios de que precisan persoal cualificado, e ao mesmo tempo están realizando confección en China, Portugal e Marrocos. (Foto: Ana Davila (no centro), delegada da CIG en Kamay, e catro das cinco traballadoras despedidas. ©galizacig.com 15/11/2006).   O pasado 9 de novembro cinco traballadoras da empresa Selmark receberon unha carta de despedimento para que xa non foran traballar ao día seguinte, despois de levar 13, 14 e 17 anos na empresa. Os despedimentos están xa denunciados, porque a razón que se alegou foi a baixa produción, cando a produción destas traballadoras era do 82%, e hai que ter en conta que desde que se comezou a despedir persoal hai unha maior rotación polo que se baixa a produción. As traballadoras de Selmark despedidas denuncian que a empresa tenta facer unha reconversión encuberta, xa que leva desde o 2005 nos dous talleres (Kamay e Confeccións M) un total de cincuenta mulleres despedidas. Ao mesmo tempo, esta empresa contrata a top models como Naomi Campbell á quen lle pagan altos salarios e as traballadoras destas empresas do téxtil non chegan nin aos 600 euros. Nos últimos dous meses, xa son nove as traballadoras despedidas, e a empresa continúa a aparecer na prensa con anuncios de que precisan persoal cualificado, e ao mesmo tempo están realizando confección en China, Portugal e Marrocos. Selmark fai roupa interior de muller que se vende a alto prezo e sempre como confeccionada aquí, e non nos seus outros centros de traballo. As traballadoras tamén denuncian que esta empresa está a despedir ás mulleres para contratar outras novas para cobrar subvención polo contrato de mulleres, e abrir un novo centro en Valadares para tamén cobrar as axudas polo traslado da empresa. Por todas estas razóns, as traballadoras convocan unha serie de mobilizacións que terán lugar o 28 de novembro con unha folga de tres horas e media diante de Selmark (avenida do Freixo nº 20), e o 1 de decembro tamén folga de tres horas e media con concentración diante das instalacións da empresa.

Confederación Intersindical Galega www.galizacig.com ÚLTIMA REVISIÓN: 16/11/2006 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta