Actualidade Santiago, 10 de novembro de 2005 Venres 11 de novembro en Compostela Xornada Técnica sobre Prevención de Riscos Psicosociais no Traballo   CIG-Comunicación- cig.prensa@galizacig.com   No decurso da xornada intentarase analizar este fenómeno e dar as claves que permitan detectar a aquelas persoas que o padecen que están sendo obxecto de acoso, xa que moitas veces as/os acosados non o identifican como tal, chegando a autoresponsabilizarse da situación.   A Federación de Administración Pública e o Gabinete Técnico de Saúde Laboral da CIG organizan, o día 11 de novembro a partir das 10:00 horas, no Hotel Congreso en Teo, unha Xornada Técnica sobre Prevención de Riscos Psicosociais no Traballo. Logo de terse advertido un alarmante incremento dos casos de acoso laboral na propia administración pública, a Federación de Administración da CIG, xunto co Gabinete Técnico de Saúde Laboral veñen de organizar unhas xornadas dirixidas a previr os riscos psicosociais no traballo. No decurso da xornada intentarase analizar este fenómeno e dar as claves que permitan detectar a aquelas persoas que o padecen que están sendo obxecto de acoso, xa que moitas veces as/os acosados non o identifican como tal, chegando a autoresponsabilizarse da situación. Ademais, daranse as pautas, tanto médicas como sindicais, para responder en caso de acoso e buscar unha saída favorábel ao traballador/a. Xornada técnica Prevención de Riscos Psicosociais no Traballo Compostela, Hotel Congreso, 11 de novembro de 2005. Programa 10:00. Recepción das/os participantes e entrega de documentación. 10:15. Presentación e obxectivos da xornada. Intervén Ana T. Lois Navaza, responsábel de Saúde laboral e Acción Sindical da CIG-Administración Pública. 10:45. Riscos Psicosociais no traballo. Aspectos Preventivos. Intervén Paula González Grueiro, Gabinete Técnico de Saúde Laboral da CIG. 11:45. Pausa. 12:30. Riscos Psicosociais no Traballo. Aspectos Clínicos. Intervén Magdalena Silva Chorén, psicóloga clínica do C.H.U.S. 14:00. Xantar de traballo. 16:00. Riscos Psicosociais no Traballo. Aspectos Xurídicos. Interveñen Ana López-Suevos Fraguela, maxistrada do Social no Xulgado nº 2 de Santiago; Francisca Arias Castro, avogada administrativa da CIG; Rosa Vila Amarelle, avogada laboralista da CIG. 18:00. Debate. 19:00. Clausura.

Confederación Intersindical Galega www.galizacig.com ÚLTIMA REVISIÓN: 10/11/2005 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta