Actualidade / Artigo As barbas en remollo Ramón Maceiras- Estas cifras indican que estamos ás portas do estalo da burbulla inmobiliaria. Pasemos revista ao que pasa en Estados Unidos e Reino Unido. Aí ven algo así como un derrube do 30% nas hipotecas na área de Washington, o norte de Virginia e demais. Isto será en parte reflexo do derrube das "punto com". Xente que non ten cualificación, pero que tiña salarios inflados, agora se converten en desempregados que non teñen onde ir. Mercaronse chozas de cartón embetumado cubertas de plástico, con hipotecas valuadas entre 500 mil e 1 millón de dólares, ou algo así. E agora están quebrados. As hipotecas penden aí, ben enroupadas e apuntaladas polas axencias hipotecarias do goberno federal e o Sistema da Reserva Federal. E as hipotecas agora voltanse incobrábeis. A xente destas zonas, en tanto as hipotecas aumentaban coa especulación, podía ir ao banco a refinanciar a súa débeda e conseguir algo de efectivo para gastar en cousas como alimentos e débedas de tarxetas de crédito. E, por tanto, o poder de compra nestas zonas sustiñase con diñeiro emprestado, xerado, en grande medida, con esta ficción. Hai unha situación semellante en California. Existen condicións semellantes en outras partes dos EU. A ficción vense abaixo. O mesmo está por acontecer no Reino Unido, onde teñen unha burbulla de bens raíces do mesmo tipo.
ÚLTIMA REVISIÓN: 05/11/2002 |
